Julegåve frå venner

11 pasientrom får splitter nye 42 tommers flatskjermar frå Haukelands venner til jul. Trygve Hillestad frå Haukelands venner troppa opp på Kirurgisk post 2 og overrekte julegåva sist fredag.

– Tusen takk, Trygve. Det kjem alltid noko godt ut av det du og Haukelands venner gjer for sjukehuset, sa klinikkdirektør August Bakke på Kirurgisk klinikk ved overrekkinga fredag.


Julegåve til pasientar på Kirurgisk post 2: Frå venstre: ass. avdelingssjukepleiar Ørjan Dale Hiort, Avdelingssjef avdeling for urologi Christian Beisland, avdelingssjukepleiar Kjersti Hufthammar og Trygve Hillestad i Haukelands venner.

Seks av dei nye flatskjermane skal stå på Medisinsk avdeling og fem på Kirurgiske sengepostar i Sentralblokka. Skjermane er levert av Avab-Cac i Bergen.
Eldsjelene bak Haukelands venner starta i si tid Medisinsk Høyteknologisk Forskningsfond, som det då vart kalla, og har tidlegare samla inn fem millionar kroner til PET/CT scanneren på sjukehuset.

Saken er hentet fra Haukeland Universitetssykehus sine nettsider
Tekst og foto: Øyving Blom